என் கனவுகளில் குவிந்திருப்பவளே
உன் ஜன்னல் பிம்பம்
தோன்றும்போதெல்லாம்
என் இதயம் வேர்த்திருக்கும்
என் விழியின் நிழல் கூட
உன்னைத்தான் பார்த்திருக்கும்
எப்போதாவது விழிக்கும்
உன் புன்னகை கண்டு
என் நெஞ்சம் பூத்திருக்கும்
நீ வீசும் நேசத்துக்காக
என் உயிர் துடிப்புகள் காத்திருக்கும்
என் மொழிகளையெல்லாம்
உன் மௌனங்கள்தான் திருடியிருக்கும்
உன் பாதம்பட்ட இடங்களைத்தான்
என் பார்வைகள் வருடியிருக்கும்
நீ பற்றிப் பிடித்திருக்கும்வரை
என் ஜீவன் என்னுள் உறைந்திருக்கும்
நீ விலகி விடும் கணம்
அது என்னைவிட்டு மறைந்திருக்கும்...
No comments:
Post a Comment