இந்த தினத்தில்
என்னை நினைவுபடுத்தும்
ஒரு பொருளை உனக்கு பரிசளிக்க ஆசை.
ஆனால் என்னையே தந்தாலும்
அது சாத்தியமில்லை.
காதலர் தின வாழ்த்துக்கள்
வாழ்த்துக்களையெல்லாம் என்னுடந்தான்
பரிமாறிக்கொண்டாள்.
வாழ்க்கையை மட்டும்
வேறொருவனுடன்.
காதலர் தினக் கொண்டாட்டம்
இன்று காதலர் தினம்
குதுகலமாய் ஆரம்பித்தது ஒரு கஃபே ஷாப்பில்.
சென்ற வருடம் வேறு இருவராய்
இருந்த நாம், இன்று ஒருவரானோம்.
ஒரே மேஜையில் அமர்ந்தோம்.
கொண்டு வந்தப் பூக்கள்
இடம் மாறி அமர்ந்தன.
பொய்யாய் புண்ணகைத்து
பறிமாறிக்கொண்டோம்,
நிறைய முத்தங்களும்
கொஞ்சம் எச்சில்களும்.
இச்சைகள் தீர்ந்தன.
கொண்டாட்டங்கள் முடிந்தன.
மீண்டும் அடுத்த வருடம்
இதே இடத்தில்
இதே தினத்தில் சந்திப்போம்
வேறு இருவராய்.
inraya kaathalin unmaiyai kavithaiyil vadiththulleerkal. kaathal poyin saathal akkaalam inru marri kolvathu thaan fashion.
ReplyDelete